Ongi etorri ingurumen-sektorearen topagune honetara; ongi etorri Aclima Basque Enviroment Clusterrera. Aclima erakundeak 20 urtetik gorako ibilaldia du, eta erreferentea da Euskadiko ingurumen-sektorean. Haren gizataldea Aclimako bertako pertsonek zein gure enpresa kideetako pertsonek osatzen dute, eta zer eskaini ugari dute zuretzat. Denbora honetan guztian metatu dugun ezagutzari esker, euskal ingurumen-sektorearen pribilegiozko ikuspegia dugu, negozio-aukera berrien garapenari zuzendua.
Aclimaren xedea lankidetza publiko-pribatua bultzatzea da, aukerak detektatuz eta proiektuak abiatuz, helburu nagusi batekin: gure bazkideen gogobetetzea. Eta badugu obsesio bat: balio erantsi hori eskaintzea bazkideari zenbait arlotan, hala nola nazioartekotzean, berrikuntzan eta sektorearen defentsarako jardueretan.
Ezin dut aukera hau pasatzen utzi zuri mezu bat bidali gabe: ezagutu egin nahi zaitugu, lagundu egin nahi dizugu, eta uste dugu Aclima lagungarria izan daitekeela zure helburuak lor ditzazun. Pauso hori ematea erabakitzen baduzu, ziur nago elkarrekin egin dezakegun bidea onuragarria izango dela bi parteentzat.
Plan estrategikoa2020eko memoria
Zuzendaritza eta
kudeaketa-taldea
01
Club
Euskadiko ingurumen-sektoreko erreferentziazko klusterreko kide izango zara
Ordezkatu egingo zaitugu, eta zure sektorea defendatuko dugu. Erakundeen aurrean duzun irudia hobetzen lagunduko dizugu
Enpresen eta beste eragile batzuen arteko harremana erraztuko dizugu, ingurumen-sektorearen zeharkakotasuna aprobetxatzeko
Administrazioetara hurbilduko zaitugu
Aclimaren bitartez, parte hartu ahal izango duzu EAEko ingurumen-legedi berriaren garapenean
Zure irudia eta zure produktuak eta zerbitzuak hedatzen lagunduko dizugu
Berariazko trebakuntzak antolatzen ditugu, bazkideen eskaeren arabera
02
Activa
Erakunde handi batean parte hartu ahal izango duzu zure gaitasunak gehituz
Lantaldeetan eta proiektuetan parte hartuz, zure enpresaren lehiakortasunak hobera egingo du
Kluster barruko eta kluster arteko eskaintza eta eskariaren arteko gure topaketa-plataformaz baliatuko zara
Sektoreko albisteen, negozio-aukeren eta ekitaldien berri emango dizugu
03
Global
Nazioartean ikusgai egingo zaitugu, enpresen baterako posizionamendu-tresna gisa jokatuz
Zure enpresa nazioarteratzeko funtsak lortzen lagunduko dizugu
Zure interesen neurriko nazioarteko aukerak identifikatuko ditugu
04
Innova
Euskadiko industriaren berrikuntza-ekosistemaren eragileekin harremana izango duzu
Zure berrikuntza-proiektuak garatzeko aliatu egokiak lortzen lagunduko dizugu
Garapenaren lehenengo faseetan negozio-aukerak detektatzeko aukera eskaintzen dizugu
